یہ صحیفہ سجادیہ کی ساتویں دعا کا عنوان ہے “جب کوئی مشکل پیش آئے یا کوئی مصیبت نازل ہو اور رنج و کرب کے وقت آپ (عليه السلام) کی دعا”۔ یہ دعا ایک آزمائش میں گھرے ہوئے انسان کی کیفیات اور اس کی امیدوں کو بیان کرنے کا بہترین نمونہ ہے۔ امام (ع) فرماتے ہیں:
• (يَا مَنْ تُحَلُّ بِهِ عُقَدُ الْمَكَارِهِ): اے وہ ذات جس کے ذریعے ناگواریوں کی گرہیں کھلتی ہیں۔ اے میرے رب! میرے حالات اور یہ کٹھن لمحات بہت پیچیدہ ہو چکے ہیں اور تو ہی ان گرہوں کو کھولنے پر قادر ہے۔
•(وَيَا مَنْ يُفْثَأُ بِهِ حَدُّ الشَّدَائِدِ) اے وہ ذات جس کے ذریعے سختیوں کی دھار کند ہو جاتی ہے۔ اے میرے پروردگار! یہ سختیاں ان تیز دھار تلواروں کی مانند ہیں جو میرے دل اور وجود کو کاٹ رہی ہیں، اور تو ہی ان کی تیزی کو توڑنے پر قادر ہے۔
• (وَيَا مَنْ يُلْتَمَسُ مِنْهُ الْمَخْرَجُ إلَى رَوْحِ الْفَرَجِ): اے وہ ذات جس سے کشائش و راحت کی طرف نکلنے کا راستہ طلب کیا جاتا ہے۔ اے میرے رب! میں ان بڑھتی ہوئی مشکلات کے تلے شدید دباؤ اور گھٹن محسوس کر رہا ہوں، اور تو ہی مجھے ان سے نجات دلا کر ایسی حالت کی طرف لے جانے پر قادر ہے جہاں میں راحت محسوس کر سکوں۔
• تو ہی ان سب پر قادر ہے کیونکہ تو وہ طاقتور ہے جس پر کوئی غالب نہیں آ سکتا۔ تو ہی کائنات کا خالق ہے اور تو نے ہی وہ قوانین بنائے ہیں جو اس وجود کو چلا رہے ہیں، اور ہر چیز تیرے حکم کے تابع ہے: (ذَلَّتْ لِقُدْرَتِـكَ الصِّعَابُ، وَتَسَبَّبَتْ بِلُطْفِكَ الأسْبَابُ، وَجَرى بِقُدْرَتِكَ الْقَضَاءُ، وَمَضَتْ عَلَى إرَادَتِكَ الاشْياءُ، فَهْيَ بِمَشِيَّتِكَ دُونَ قَوْلِكَ مُؤْتَمِرَةٌ، وَبِإرَادَتِكَ دُونَ نَهْيِكَ مُنْزَجِرَةٌ) “تیري قدرت کے سامنے مشکلیں ذلیل (آسان) ہو گئیں، تیرے لطف سے اسباب مہیا ہوئے، تیری قدرت سے قضا و قدر جاری ہوئی اور تیری مرضی کے مطابق اشیاء وجود میں آئیں۔ پس وہ سب تیرے ارادے کے اشارے پر چلتی ہیں اور تیری ممانعت کے بغیر ہی رک جاتی ہیں۔”
• یہ حقائق انسان کو اس بات پر آمادہ کرتے ہیں کہ جب مشکلات بڑھ جائیں تو صرف تیری ہی طرف رجوع کرے: (أَنْتَ الْمَدْعُوُّ لِلْمُهِمَّاتِ، وَأَنْتَ الْمَفزَعُ فِي الْمُلِمَّاتِ، لاَ يَنْدَفِعُ مِنْهَا إلاّ مَا دَفَعْتَ، وَلا يَنْكَشِفُ مِنْهَا إلاّ مَا كَشَفْتَ) “مشکلات میں تجھی کو پکارا جاتا ہے اور مصیبتوں میں تو ہی جائے پناہ ہے۔ وہی بلا ٹلتی ہے جسے تو ٹال دے اور وہی مصیبت دور ہوتی ہے جسے تو دور کر دے۔”
پھر امام (عليه السلام) اپنی حالتِ زار پیش کرتے ہوئے فرماتے ہیں:
• (وَقَدْ نَزَلَ بِي يا رَبِّ مَا قَدْ تَكَأدَنيَّ ثِقْلُهُ، وَأَلَمَّ بِي مَا قَدْ بَهَظَنِي حَمْلُهُ، وَبِقُدْرَتِكَ أَوْرَدْتَهُ عَلَيَّ، وَبِسُلْطَانِكَ وَجَّهْتَهُ إليَّ).“اے میرے رب! مجھ پر وہ مصیبت نازل ہوئی ہے جس کے بوجھ نے مجھے تھکا دیا ہے اور ایسی چیز نے مجھے آ گھیرا ہے جس کا اٹھانا میرے لیے دشوار ہو گیا ہے۔ یہ سب تیری قدرت سے مجھ پر وارد ہوا ہے اور تیرے ہی حکم سے میری طرف آیا ہے۔”
• اور کیا کوئی طاقت اللہ کے ارادے کے سامنے کھڑی ہو سکتی ہے؟ (فَلاَ مُصْدِرَ لِمَا أوْرَدْتَ، وَلاَ صَارِفَ لِمَا وَجَّهْتَ، وَلاَ فَاتِحَ لِمَا أغْلَقْتَ، وَلاَ مُغْلِقَ لِمَا فَتَحْتَ، وَلاَ مُيَسِّرَ لِمَا عَسَّرْتَ، وَلاَ نَاصِرَ لِمَنْ خَذَلْتَ. فَصَلَّ عَلَى مُحَمَّد وَآلِهِ، وَافْتَحْ لِي يَا رَبِّ بَابَ الْفَرَجِ بِطَوْلِكَ، وَاكْسِرْ عَنِّيْ سُلْطَانَ الْهَمِّ بِحَوْلِكَ، وَأَنِلْني حُسْنَ النَّظَرِ فِيمَا شَكَوْتُ، وَأذِقْنِي حَلاَوَةَ الصُّنْعِ فِيمَا سَاَلْتُ… وَأنْتَ الْقَادِرُ عَلَى كَشْفِ مَا مُنِيتُ بِهِ، وَدَفْعِ مَا وَقَعْتُ فِيهِ) “جس چیز کو تو بھیج دے اسے کوئی ہٹا نہیں سکتا، جسے تو موڑ دے اسے کوئی پھیر نہیں سکتا، جسے تو بند کر دے اسے کوئی کھول نہیں سکتا، اور جس کے لیے تو مشکل پیدا کر دے اسے کوئی آسان نہیں کر سکتا۔ پس محمد (ص) اور ان کی آل پر درود بھیج، اور اے میرے رب! اپنے فضل سے مجھ پر کامیابی کا دروازہ کھول دے، اپنی طاقت سے غم کے غلبے کو توڑ دے، میری فریاد پر نظرِ کرم فرما اور جو میں نے مانگا ہے اس میں مجھے اپنی بہترین عنایت کا مزہ چکھا… کیونکہ تو ہی اس تکلیف کو دور کرنے پر قادر ہے جس میں میں مبتلا ہوں اور اس بلا کو ٹالنے پر قدرت رکھتا ہے جس میں میں گھرا ہوا ہوں۔”
